მაიმუნობები

ალბათ ბავშვობაში გქონია მომენტი, როდესაც მშობლებს ამა თუ იმ ნივთის ყიდვის დროს წაუბუზღუნიათ „ეს რა მაიმუნობაა?“ ან „ამ მაიმუნობით რა უნდა გააკეთოო?“, არადა სწორედ ეს „მაიმუნობა“ გინდოდა ყველაზე მეტად... თუ ეს ფრაზები შენთვისაც ნაცნობია, მაშინ სწორ ადგილას მოხვედი.

 მშობლების მიერ დაწუნებული ან გამაიმუნებული სათამაშოებისა თუ სხვადასხვა ნივთის მოპოვების ჟინი იმდენად აფართოებდა ჩვენი ფანტაზიის უნარს, თითო ნივთს მილიონობით გამოყენების საშუალებას ვუგონებდით. დღემდე მრავალი მათგანი ჩვენი ცხოვრების განუყოფელი ნაწილია. სამუშაო თუ სამეცადინო მაგიდა, ოფისი თუ საძინებელი ოთახი სავსეა მსგავსი ნივთებით, რომლებიც სხვადასხვა ქვეყანაში მოგზაურობის შემდეგ ჩამოვიტანეთ ან მეგობრებმა გვაჩუქეს.

მაიმუნობების შეგროვების ჰობი იმდენად გვიტაცებს და ჩვენს მეგობრებშიც იმდენად დიდ მხიარულებას იწვევს, რომ გადავწყვიტეთ გაგვეკეთებინა მაღაზია, რომლის მეშვეობითაც ჩვენს ხალისს გაგიზიარებთ. სახელზე ფიქრს ყველაზე დიდი დრო მოვანდომეთ. ამ თემაზე ერთ-ერთი მხურვალე დისკუსიის დროს, ნათიას დედა მოგვიტრიალდა და გვითხრა „ჩამოყალიბდით უკვე, ამდენს რას მაიმუნობთო?!“ სწორედ მაშინ მივხვდით, რომ ეს სახელი ყველაზე მეტად შეესაბამებოდა ჩვენს იდეას.

 „მაიმუნობა“, ეს ხომ ყველაზე სახალისო ქმედებაა, რომელსაც ყველა თავისებურად განმარტავს და აღიქვამს. ზოგისთვის მაიმუნობა არის თამაში, ზოგისთვის ხატვა, ზოგისთვის სხვადასხვა ნივთის შეგროვება. შენ თვითონ მოიფიქრე ის, რაც ყველაზე ძალიან გიყვარს და #იმაიმუნე...

ყველას ნახვა