DELMARE

ბათუმში, ახალი ბულვარის ტერიტორიაზე, სასტუმრო Grandeur 5*-ის მე-15 სართულზე, იქ, სადაც ცის ჰორიზონტი ზღვას ხვდება და შთამბეჭდავი ხედები იშლება შავი ზღვის სანაპიროსა და ბათუმის ახალ ბულვარზე, რესტორანმა დელმარემ დაიდო ბინა რესტორნის კონცეფცია თბილისში მოქმედმა სააგენტო “გასტრონავტმა” შექმნა, რომლის საქმიანობა სტუმარმასპინძლობის ინდუსტრიაში საკონსულტაციო და კრეატიულ მიმართულებებს აერთიანებს. მათი ყველა პროექტი კი, ხარისხისა და კრეატიულობის მაღალი სტანდარტით ხასიათდება. დელმარეს გასტრონომიული კონცეფცია თანამედროვე ქართული და ევროპული სამზარეულოს ნაზავს ეფუძნება, მულტიკულუტრული ელემენტებით, სადაც მსოფლიო საკურორტო გასტროსივრცეების ტენდენციები მრავლად არის გათვალისწინებული. სწორედ ამ მრავალფეროვნების გამო, რესტორნის მენიუ ყველა გემოვნების ადამიანის სურვილს პასუხობს, თავისი დახვეწილობით, სისადავითა და მინიმალიზმით. რესტორანი საინტერესო ცოცხალი მუსიკალური საღამოების მასპინძელიცაა: თანამედროვე და ჯაზური კომპოზიციები, ბოსა ნოვა თუ რეტრო მუსიკა, ხოლო გვიან ღამით დიჯეის პერფორმანსები, პოზიტიურ, განტვირთვისა და ბედნიერების განწყობას ქმნიან სტუმრობისას.